2016 оны  УИХ-ын сонгуульд нийтдээ 498 нэр дэвшигч өрсөлдөхөөр СЕХ-ноос эрхээ авлаа. Нэр дэвшигчдийн сурталчилгааны ажил албан ёсоор зургадугаар сарын 11 буюу бямба гаригаас эхэлнэ. Энэ удаагийн сонгуульд нийтдээ 12 нам, 3 эвсэл, 69 бие даагчид нэр дэвших батламжийг нь СЕХ-ноос гардуулан өглөө. 

МАН-ын нэр дэвшигчдийг бичиг баримтын зөрчилгүй, нэрсийн жагсаалтад холио солио хийгээгүй үндэслэлээр Сонгуулийн ерөнхий хорооноос хамгийн эхэнд бүртгэснээ зарласан бол өнөөдөр ч мөн адил ийнхүү эхэнд сонгуульд оролцох эрхийн үнэмлэхээ гардан авлаа. Харин эрх баригч хүчин болох АН-ын нэр дэвшигчид Төрийн ордноо байсангүй. Тус намын гишүүд нэр дэвшигчийн үнэмлэх авах ажиллагааг “үл тоомсорлож” Цонжинболдогийн оролцоо сонгуульд ашиглах зураг авалт хийлгээд яваа юм байна. Мөн цагтаа ирээгүй АН-ын нэр дэвшигчдэд Сонгуулийн ерөнхий хорооноос тусгайлан цаг гаргаж 15.00 цагт үнэмлэхийг нь өгөхөөр болжээ.

• МАН-76
• АН-76
• ИЗНН-15
• МАХН-71
• МУНН-11
• Хаан сонголт эвсэл-9
• БНН-36
• Иргэний хөдөлгөөний нам-27
• Эх орончдын нэгдсэн эвсэл-9
• Ард түмнээ хайрлая нам-13 нэр дэвшигч гэхчилэн бусад намыг оролцуулаад 498 нэр дэвшигч УИХ-ын сонгуульд өрсөлдөхөөр болж байна.

Ж.Мөнх