МАН-ын дарга М.Энхболд амралтын өдрүүдэд Төв аймгийн Зуунмод суманд ажиллалаа. Тэрээр өөрийн ухуулах байр болон өрсөлдөгчийнхөө ухуулах байраар орж ухуулагч нартай уулзаж, ажилд нь амжилт хүслээ. Өөрийн болон өрсөлдөгч намын ухуулагч нар түүнд хандан “Нэр дэвшигч М.Энхболд дарга таны ажил үйлс нь өөдрөг бүтэмжтэй байх болтуай” хэмээн ерөөл дэвшүүллээ.

“Цөөхөн Монголчууд бид сонгууль бүрээр л хар, саарал пи ар гаргаж ирээд, бие биенээ гүтгэж доромжлоод байж таарахгүй. Шударга сайхан өрсөлдөх хэрэгтэй. Сонгууль хурдан дуусна, амьдрал удаан үргэлжлэнэ шүү дээ” хэмээн хэлэх энэ эрхэмийн үг, үйлдэл хоёр зөрдөггүй учраас сонгогч олон түмэн итгэл хүлээлгэдэг нь дамжиггүй биз ээ. Өрсөлдөгчийнхөө ухуулах байраар орох битгий хэл өр зүрхрүү нь довтолж буй энэ цагт улс төрийн өнгө нэмэх эерэг үйлдэл мөн.                                                                                                                                 

Ж.Жаргал